BAKI, 6 sentyabr — Sputnik. "Yuventus" klubunda iştirak edən portuqaliyalı futbolçu Kriştianu Ronaldu göz nahiyəsi göyərmiş vəziyyətdə məşqə çıxıb.
Sputnik Azərbaycan xəbər verir ki, futbolçunun gözünün altı göyərmiş vəziyyətdə fotosu "Yuventus" klubunun rəsmi saytında dərc olunub. Ronaldunun gözünün altının göyərməsinin səbəbi məlum deyil.
Mümkün versiya kimi onun “Parma” ilə ötən turun oyununda zədələnməsi göstərilir. Məlumata görə, onun gözünün altı oyun zamanı üzünə dəyən topun zərbəsindən belə hala düşüb.
