BAKI, 24 iyul — Sputnik. İndoneziyada iki üzü olan uşaq dünaya gəlib. Sputnik Azərbaycan xarici mətbuata istinadla xəbər verir ki, Gilan Andika adlı oğlan İndoneziyanın Batam şəhərində doğulub.
Hazırda o, iki aylıqdır. Onun bir bədəni, iki əli, iki ayağı var, başı isə ana bətnində deformasiyaya uğrayaraq qəribə formaya düşüb. Belə hadisələr 250 min haldan bir baş verir.
Məlumata görə, başın deformasiyaya uğraması, beynin olmaması və əkiz qardaşın üzünün bir bədəndə olması uşağın həyatını təhlükə qarşısında qoyub. Uşağın başına su yığılır. Yerli həkimlər belə vəziyyətdə uşağın ailəsinə kömək edə bilməyəcəklərini deyiblər. Hələ ki, uşaq xəstəxanada həkim nəzarətindədir.
Gilanın anası bildirib ki, doğuşa qədər uşağın ana bətnindəki vəziyyətindən xəbərsiz olub. Qadın 3 dəfə USM müayinəsindən keçsə də, orada heç nə görünməyib. Uşağa nəzarət edən həkim ailəyə paytaxt Cakartaya gedərək, yaxşı təchiz olunmuş xəstəxanaya müraciət etməyi məsləhət görüb.
