BAKI, 7 iyul — Sputnik. İtaliyanın "Yuventus" klubunun qapıçısı Canluici Buffon Fransanın PSJ ilə müqavilə bağlayıb. Sputnik Azərbaycan "Sports.ru"-ya istinadən xəbər verir ki, bu barədə futbol dünyasında məşhur jurnalist Fabritsio Romano məlumat yayıb.
"Canluici Buffon – PSJ-nin yeni oyunçusudur. Bu təsdiqlənib. Onunla iki illik müqavilə bağlanılıb" — deyə jurnalist yazıb.
Daha əvvəl Paris təmsilçisinin 40 yaşlı qapıçıya ildə 8 milyon avro məvacib verəcəyi bildirilirdi.
Xatırladaq ki, qapıçı mövsümün sonunda azad agent statusunda "Yuventus"u tərk edib.
