BAKI, 19 iyun — Sputnik. İsveçrənin Nyon şəhərində futbol üzrə Çempionlar Liqasının ilk iki təsnifat mərhələsinin püşkatma mərasimi keçirilib.
Sputnik Azərbaycan-ın məlumatına görə, Azərbaycan təmsilçisi "Qarabağ" komandası I təsnifat mərhələsində Sloveniyanın "Olimpiya" (Lyublyana) komandasına rəqib olub. İlk oyun iyulun 10-11-də Lyublyanada, cavab görüşü isə 17-18 iyulda Bakıda keçiriləcək.
"Qarabağ" mərhələ adlasa, "Kukesi" (Albaniya) — "Valletta" (Malta) cütünün qalibi ilə qarşılaşacaq. Oyunlar 24-25 iyunda və 31 iyul — 1 avqustda keçiriləcək.
