İlham Əhmədov, Sputnik Azərbaycan
BAKI, 2 may — Sputnik. Qəbələ Atıcılıq Klubu növbəti dəfə idman yarışlarından birinə ev sahibliyi edəcək. May ayının 7-dən 13-nə kimi Qəbələ şəhərində Heydər Əliyevin 95 illik yubileyinə həsr olunmuş Beynəlxalq Qran-Pri keçiriləcək.
Sputnik Azərbaycan-ın bölgə müxbiri xəbər verir ki, tədbir Qəbələ Atıcılıq Klubunun təşkilatçılığı, Azərbaycan Atıcılıq Federasiyasının və Gənclər və İdman Nazirliyinin dəstəyi ilə həyata keçiriləcək. Qəbələ Atıcılıq Klubunda təşkil ediləcək yarışlarda 8-dən çox ölkədən 100–ə yaxın idmançı, eləcə də rəsmi qonaqlar iştırak edəcək.
Onlar arasında dünyanın tanınmış atıcıları, dünya və Avropa çempionları, olimpiya oyunlarının qalibləri olacaq. Mayın 13-dək davam edəcək mötəbər yarışda 6 dəst medal uğrunda mübarizə aparılacaq. Yarışın rəsmi açılış mərasimi mayın 8-də baş tutacaq.
