BAKI, 16 fevral — Sputnik. Rusiyada qəzaya uğrayan "An-148" təyyarəsinin “qara qutusunun” açılmasından sonra bəzi qaranlıq məqamlar üzə çıxıb. Belə ki, səs yazısı dinlənildikdən sonra pilotların təyyarənin sürətinin müəyyən edə bilmədikləri ortaya çıxıb. Böyük ehtimalla, qəzanın əsas səbəbi də bu olub.
Sputnik Azərbaycan Rusiya mətbuatına istinadla xəbər verir ki, səs qeydinin əvvəlində pilotların idarəetmə xəritəsini oxuduqları və müxtəlif alətlərin işini yoxladıqları eşidilir. Amma nədənsə, pilotlar tam təzyiq qəbulediciləri işə salınmır. Halbuki, bu hərəkət əməliyyat xəritəsində qeyd olunub.
Uçuş başlayandan sonra pilotlar displeydə fərqli sürət göstəriciləri müşahidə edirlər. Onlar mübahisə edərək, problemi həll etməyə, sürəti artımağa və təyyarəni yerə doğru yönəltməyə çalışırlar. Yerə çırpılan anda pilotların dəhşət doğuran qışqırıqları eşidilir.
Bu, qəzaya uçuşun sürət uyğunsuzluğunun səbəb olduğu versiyasını təsdiqləyir.
Xatırladaq ki, fevralın 11-də Moskvadan Orska uçan AN-148 təyyarələri uçuşdan bir neçə dəqiqə sonra qəzaya uğrayıb. Qəza zamanı 65 sərnişin və 6 ekipaj üzvü həlak olub.
