BAKI, 4 fevral — Sputnik. Cüdo üzrə Avropa kuboku uğrunda yarışa Bolqarıstanın paytaxtı Sofiya şəhərində start verilib.
Sputnik Azərbaycan-ın məlumatına görə, beynəlxalq turnirin ilk günü Azərbaycan milli komandası üçün uğurlu başlayıb.
Belə ki, 60 kq çəki dərəcəsində mübarizə aparan Tofiq Məmmədov bütün rəqiblərinə qalib gələrək qızıl medal qazanıb.
Azərbaycan cüdoçusu finala qədər Fransa, İspaniya və Bolqarıstan təmsilçilərini məğlub edib. Həlledici görüşdə rusiyalı Səxavət Hacıyevə qalib gələn idmançımız Avropa kuboku yarışında 1-ci yeri tutub.
Avropa kuboku uğrunda turnirdə qitənin 29 ölkəsindən 244 cüdoçu mübarizə aparır.
