BAKI, 25 yanvar — Sputnik. UEFA Millətlər Liqasının qrup mərhələsinin tam təqvimi açıqlanıb. Sputnik Azərbaycan AFFA-nın rəsmi saytına istinadən xəbər verir ki, Avropa saatı ilə açıqlanan oyun saatları müxtəlif vaxtlara təsadüf edəcək.
UEFA Millətlər Liqası turnirinin 3-cü qrupunda mübarizə aparacaq Azərbaycan milli komandasının oyunlarında ilk olaraq millimiz Kosova ilə 7 sentyabr saat 21:00 görüşəcək. İkinci qarşılaşma 11 oktyabr, saat 23:45 Farer adaları ilə olacaq.
14 oktyabr saat 21:00 millimiz gücünü Malta ilə qarşılaşmada sınayacaq. 17 noyabr saat 21:00 Farer adaları ilə növbəti qarşılaşma keçiriləcək. 20 noyabr saat 23:45 ilə Kosova ilə cavab matçına çıxacağıq.
