CƏMİYYƏT
Cəmiyyətin həyatında baş verən aktual hadisələr

Bütün qohumları ölən, “kişi peşəsi”ndə işləyən qadın: termos, buterbrod və döşəkcə...

© Sputnik / Zarina OrujaliyevaAdilə Hüseynova
Adilə Hüseynova - Sputnik Azərbaycan
Abunə olmaq
Ağdamdan məcburi köşkün düşmüş qadın Bakıda yataqxanada yaşayır və paytaxt küçələrində maşınların parklaması ilə məşğul olub çörəkpulu qazanır

BAKI, 4 yanvar — Sputnik. Azərbaycanda 1,350 milyon avtomobil qeydiyyatdadır. Baş Dövlət Yol Polisi İdarəsinin məlumatına görə, 1 milyonadək nəqliyyat vasitəsi Bakıdadır. Bununla əlaqədar olaraq paytaxtda parklama yerlərinin çatışmazlığı ilə bağlı problemlər mövcuddur.

Паркомат в Баку, фото из архива - Sputnik Azərbaycan
CƏMİYYƏT
Bakıda avtomobil parklama yerləri pulsuz olacaq

Sputnik Azərbaycan ənənəvi olaraq kişi peşəsi hesab edilən peşələrlə məşğul olan qadınlardan bəhs edən "Qadın işi deyil" rubrikasını davam etdirir.

Artıq 20 ildən çoxdur ki, Adilə Hüseynova paytaxt sürücülərinə yol kənarlarındakı boş yerlərdə maşınları saxlamağa kömək edir. O, AR Səhiyyə Nazirliyinin binası yaxınlığında avtomobil parklayıcısı işləyir. Qadın iş növbəsinə hər gün səhər saat 8.00-də çıxır və saat 17.00-a qədər işləyir. Baxmayaraq ki, yayın istisində, qışın soyuğunda da işləmək lazım gəlir, onun başqa çıxış yolu yoxdur. Çünki o, hazırda ailənin yeganə çörək gətirənidir. O, hərdən qızınmaq üçün özü ilə içində qaynar çay olan termos, buterbrod, soyuq daşın üstündə oturanda buzlamamaq üçün döşəkcə götürür.

Hüseynova 1993-cü ildə Ağdamdan məcburi köçkün düşüb və əri ilə birlikdə Bakıda məskunlaşıb. Ailə çoxsaylı itkilərlə qarşılaşıb. Ağdamda hərbi əməliyyatların gedişi zamanı Hüseynovanın qardaşı da daxil olmaqla bütün ailə üzvləri həlak olub. O, uşaqlarını itirib. Bizimlə söhbət zamanı Hüseynova həyatının bu faciəvi səhifəsini vərəqləməkdən imtina etdi. Göz yaşlarını gizlətməyə isə çətinlik çəkirdi.

© © SPUTNIK / ZARINA ORUJALIYEVA Adilə Hüseynova
Adilə Hüseynova - Sputnik Azərbaycan
Adilə Hüseynova

Bakıya gələn cütlük uzun illər kirayə mənzildə yaşayaraq ticarət sahəsində pul qazanmağa çalışıb. Amma uğur onların tərəfində dayanmayıb. Hansı işə əl atıblarsa, uğursuzluğa düçar olublar.

1996-cı ildə Hüseynova Bakı Dəmiryol Vağzalının binası qarşısında avtomobil parklayıcısı işləməyə başlayıb. Bu işi ona əri tapıb. 2014-cü ildə Hüseynova "28 may" metro stansiyası ərazisindəki işini tərk etməli olub. Çünki şəhər rəhbərliyi kütləvi parklama yerlərinə avtomobil parkomatları qoymağa başlayıb.

Albalıyevlər ailəsinin Mingəçevir şəhəri Günəşli qəsəbəsindəki evi - Sputnik Azərbaycan
CƏMİYYƏT
Reytinq bəlası və ya mətbuat məcburi köçkün ailəsinin dərdinə necə dərd qatdı

Hüseynovanın sözlərinə görə, xoşbəxtlikdən, şəhər icra hakimiyyətində işləyən bir tanışlarının cütlüyə yazığı gəlib və onlar üçün Səhiyyə Nazirliyinin binası qarşısında ərazi ayırıb:

"Bizə 8 maşınlıq yer verdilər ki, heç olmasa, çörəkpulu çıxaraq".

Cütlük artıq bir neçə ildir ki, burada işləyir və Nazirliyin binası qarşısındakı avtomobillərin parklanmasına kömək edir. Hazırda Hüseynovanın 63, ərinin isə 62 yaşı var. Onlar köhnə Volodarski adına tikiş fabrikinin yerindəki yataqxanada yaşayırlar. Əri artıq işləyə bilmir, çünki bu yaxınlarda gözündən əməliyyat keçirib. Qadın hazırda təkbaşına işləyərək ailəni dolandırır.

Baxmayaraq ki, ailə uzun illərdir dözülməz şəraiti olan yataqxanada yaşayır, indiyə qədər digər məcburi köçkünlər kimi daimi yaşayış yeri ilə təmin olunmayıb.

Xəbər lenti
0