BAKI, 19 dekabr — Sputnik. Dünyanın ən yaxşı futbolçusu seçilən Kriştiano Ronaldo yeni iddia irəli sürüb. Sputnik Azərbaycan xarici mediaya istinadən xəbər verir ki, portuqaliyalı hücumçu maaşının artırılmasını istəyir.
Ulduz oyunçu dünyada güclü sayılan bütün futbolçulardan daha çox maaş almaqda iddialıdır. Kriştiano Ronaldo bir neçə gün öncə 5-ci dəfə "Qızıl top" mükafatını aldıqdan sonra daha artıq məvacibə layiq olduğunu düşünür. Elə buna görə də, "Real"ın prezidenti Florentino Pereslə görüşmək tələbini irəli sürüb.
