Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

Azərbaycan reaksiya verdi: "Siyasət idmana qarışanda, belə problemlər yaranır"

© Sputnik / Murad OrujovOlimpiya Komitəsinin vitse-prezidenti Çingiz Hüseynzadə
Olimpiya Komitəsinin vitse-prezidenti Çingiz Hüseynzadə - Sputnik Azərbaycan
Abunə olmaq
Vitse-prezident bildirib ki, bu məsələyə fikir bildirməyimizə heç bir ehtiyac yoxdur

BAKI, 6 dekabr — Sputnik. Məlum olduğu kimi, Beynəlxalq Olimpiya Komitəsinin İcraiyyə Komitəsi Rusiya yığmasının 2018-ci ildə Cənubi Koreyanın Pxençxan şəhərində keçiriləcək Qış Olimpiya Oyunlarında iştirakına qadağa qoyub. BOK-nin rəsmi saytında qeyd edilib ki, oyunlarda olimpiya bayrağı altında yalnız "təmiz" (dopinq qalmaqalında adları hallanmayan) rusiyalı idmançılar iştirak edə biləcək.

Sputnik Azərbaycan xəbər verir ki, Azərbaycan Milli Olimpiya Komitəsinin vitse-prezidenti Çingiz Hüseynzadə məsələyə belə münasibət bildirib: "Bu məsələlər hüququ müstəvidə həll olunur. Bizim bu məsələyə fikir bildirməyimizə heç bir ehtiyac yoxdur. Əgər təşkilatda müəyyən nöqsanlar varsa, buna görə idmançı problem yaşamamalıdır. Eyni zamanda, təşkilat da idmançının hər hansısa səhvinə görə cavabdehlik daşımamalıdır. Bunları nəzərə alaraq Beynəlxalq Olimpiya Komitəsi idmançılara şans yaradıb ki, onlar Rusiya adından olmasa belə çıxış etsinlər. Artıq bu, idmançının şəxsi fikridir, istər çıxış edər, istər yox. Bu qərarı müzakirə etməyə bizim nə mənəvi, nə də hüquqi səlahiyyətimiz çatmır".

"Təbii ki, olimpiada o qədər də maraqlı olmayacaq. Çünki rus idmançıları orada iştirak etməyəcək. Necə ki, Moskvada keçirilən yay olimpiadası ABŞ idmançılarının iştirak etmədiyi üçün o qədər də baxımlı olmamışdı. Bir sözlə, nə vaxt ki siyasət idmana müdaxilə edir, o zaman belə problemlər yaranır" – deyə Hüseynzadə bildirib.

Xəbər lenti
0