BAKI, 27 noyabr — Sputnik. 25 noyabr 2017-ci il tarixində Xorvatiyanın Zaqreb şəhərində Avropa Olimpiya Komitəsinin Baş Assambleyasında, 2019-cu ildə keçiriləcək Yeniyetmələrin Avropa Olimpiya Festivalına Bakının ev sahibliyi etməsi ilə bağlı imzalanma mərasimi və təqdimatı keçirilib.
Milli Olimpiya Komitəsinin mətbuat xidmətindən Sputnik Azərbaycan-a verilən məlumata görə, mərasimdə müqaviləni gənclər və idman naziri Azad Rəhimov, Milli Olimpiya Komitəsinin vitse-prezidenti Çingiz Hüseynzadə, AOK-un prezidenti Janez Koçijançiç, baş katib Rafael Paqnozzi imzalayıblar.
Həmçinin, tədbirdə Bakı 2019 Yeniyetmələrin Avropa Olimpiya Festivalına dair təqdimat Gənclər və İdman naziri (GİN) Azad Rəhimov və GİN-in Beynəlxalq əlaqələr şöbəsinin rəisi Namiq Novruzov tərəfindən keçirilib.
