CƏMİYYƏT
Cəmiyyətin həyatında baş verən aktual hadisələr

Nazir millət vəklinin təklifinə sərt cavab verdi

© Photo : REPORTSəlim Müslümov
Səlim Müslümov - Sputnik Azərbaycan
Abunə olmaq
Nazir: "Niyə əlillərin deputatlığa namizədliyi irəli sürülmür?"

BAKI, 24 noyabr — Sputnik. Əmək və əhalinin sosial müdafiəsi naziri Səlim Müslümov müavinlərindən birinin əlil olması barədə deputatların təklifinə münasibət bildirib. Sputnik Azərbaycan APA-ya istinadən xəbər verir ki, əlilliyi olan şəxslərə ayrıca bir kateqoriya kimi baxılmasının əleyhinə olduğunu deyib.

Министерство труда и социальной защиты населения - Sputnik Azərbaycan
CƏMİYYƏT
Qarabağ əlilləri üçün yüksək vəzifə təklif olunur

"Bu, yalnış bir addım olardı. Əgər hansısa bir əlilliyi olan şəxs həmin səviyyəyədək yetişə bilərsə, bu, təmin oluna bilər. Nazir müavinin təyinatını ölkə başçısı həyata keçirir. Məncə bu məsələlərə qarışmaq doğru deyil" — nazir bildirib.

"Yaxşı, mən də sual ünvanlayıram: niyə parlament seçkilərində əlilliyi olan şəxsin namizədliyini irəli sürmürsünüz?! Əlilliyi olan şəxslərə ayrıca kateqoriyadan olan insanlar kimi baxmaq doğru deyil. O şəxslərin öz qabiliyyətlərinə, bacarıqlarına uyğun işlə təmin olunmasına nail olmalıyıq" — Müslümov vurğulayıb.

"Bir dönəm bir ifadə dəbə düşmüşdü, hamı deyirdi ki, hər bir qurumda bir qadına vəzifə verilməlidir. Bu, yanlış yanaşmadır. Hər kəs öz bacarığına uyğun vəzifə tutmalıdır. Əlillər bizlərdən biridir. Onlara fərq qoyulmamalıdır" — o, əlavə edib.

Qeyd edək ki, Milli Məclisin dünən keçirilən plenar iclasında millət vəkili Zahid Oruc əmək və əhalinin sosial müdafiəsi nazirinin müavinlərindən birinin Qarabağ müharibəsi əlili olmasını təklif edib. Onun fikrincə, Qarabağ müharibəsi əlili problemlərə daha yaxından bələd olduğundan onların problemlərinin həllində yaxından iştirak edə bilər.

Xəbər lenti
0