BAKI, 22 noyabr — Sputnik. Səudiyyə Ərəbistanında olarkən istefasını açıqlayan və uzun müddət aradan sonra ölkəsinə qayıdan Səad Həriri qərarından geri dönüb. Sputnik xəbər verir ki, o, isetfasını təxirə saldığını açıqlayıb.
Livan prezidenti Mişel Aunla görüşən Həriri jurnalistlərə deyib ki, dövlət başçısı ondan gözləməsini xahiş edib: "Cənab Aun xahiş elədi ki, çox dialoq üçün istefamı hələlik geri çəkim, mən də onun xahişini yerinə yetirdim".
Baş nazir milli dialoq qurulacağına ümid elədiyini söyləyib.
Qeyd edək ki, Livanın baş naziri S. Həriri noyabrın 4-də Səudiyyə Ərəbistanının paytaxtı Ər-Riyadda vəzifəsindən istefa verdiyini açıqlayıb. O, özünə qarşı sui-qəsd planı hazırlandığını və bu planın arxasında "Hizbullah"ın dura biləcəyini söyləyib. Livandakı "Hizbullah" təşkilatı isə baş nazirin dedikləri ilə razılaşmayıb.
