BAKI, 14 noyabr — Sputnik. Fransalı dağ xizəkçisi David Puasson Kanadada məşq zamanı ölüb. Sputnik Azərbaycan "CBC Kanada"ya istinadən xəbər verir ki, hadisə Nakiska kurortunda, 36 yaşlı idmançının dağdan enməsi zamanı baş verib. David Puasson yıxılaraq ciddi xəsarət alıb və düynasını dəyişib.
Qeyd edək ki, fransalı xizəkçi 2010 və 2014-cü il Qış Olimpiya Oyunlarının iştirakçısı olub. O, 2013-cü ildə dünya çempionatının bürünc medalını qazanmışdı.
