BAKI, 7 noyabr — Sputnik. UEFA və FİFA Millətlər Liqasının bütün dünya üzrə keçirilməsi ilə bağlı danışıqlara başlayıblar. Apasport.az saytının xəbərinə görə, bu barədə UEFA-nın mətbuat xidmətindən məlumat veriblər.
Bildirilib ki, artıq turnirin mümkün reqlamenti də müzakirə olunur.
Qeyd edək ki, Avropa Millətlər Liqası həm də AÇ-2020-yə vəsiqə verəcək. Belə ki, yarışlar 4 divizionda keçiriləcək və bu divizionlarda hərəsində 4 komanda olan 4 qrup olacaq. Hər qrupun qalibi Avropa çempionatına vəsiqə qazanacaq.
Bundan əlavə, həmin dörd komanda bir üst diviziona da çıxacaq. Həmin divizionda ən pis nəticə göstərəcək 4 komanda isə aşağı diviziona yuvarlanacaq.
