BAKI, 18 oktyabr — Sputnik. Madridin "Atletiko" klubunun baş məşqçisi Dieqo Simeone "Qarabağ"a qarşı Çempionlar Liqasındakı görüşdən sonra keçirilən mətbuat konfransında oyunun çox gözlənilməz keçdiyini bildirib. Onun sözlərinə görə, birinci hissədə madridlilər bir neçə məqamı əldən veriblər: "İkinci hissədə xal itirməyə qorxurduq, üstəgəl təzyiq. Lakin biz vəziyyəti düzəldəcəyik. Artırmaq istəyirik, lakin bunun üçün işləmək lazımdır".
"Qarabağ"ın oyununu şərh edən Simeone qapıçı İbrahim Şehiçin oyununu xüsusi qeyd edib:
"O real təhlükələrin qarşısını aldı. "Qarabağ" futbolçuları müdafiəmizdəki boşluqlardan yaxşı istifadə etdilər. Rəqib müdafiədən hücuma çox təhlükəli tərzdə keçirdi".
Simeone "Atletiko"nun xal itirdiyi, yaxud qazandığı barədə suala cavabdan qaçıb: "Bunun üçün bizi tənqid edə biləcək jurnalistlər var. Bizə üç xal lazım idi, rəqib isə əks-hücumlarla uğur qazanmaq istəyirdi, lakin bu alınmadı".
