BAKI, 18 oktyabr — Sputnik. Bu gün Gənclər Liqasının 3-cü turuna yekun vurulub. Sputnik Azərbaycan-ın məlumatına görə, Gənclər Liqası Çempionlar Liqası yolunun C qrupunda “Qarabağ”-ın U-19 komandası “Atletiko Madrid”-i qəbul edib.
Əsas komandanın kapitanı Rəşad Sadıqovun çalışdırdığı komandamız anti-rekorda imza atıb. Belə ki, 1:5 hesabı ilə məğlub olan “Qarabağ” turnir tarixi ərzində öz evində ən böyük hesabla uduzan komanda olub.
Qeyd edək ki, “Qarabağ”-ın heyətində qolu Yaroslav Deda vurub. Qonaqların heyətində isə Karlos İsaak, Oskar Klemente, Toni Moya, Aytor Pinyal, Alberto Salido fərqləniblər.
