BAKI, 15 oktyabr — Sputnik. NATO-nun Almaniyadan olan əsgərləri, Litvada bir barda dava salıblar. Hadisə Rukla şəhərindəki gecə klublarından birində baş verib.
Sputnik Almaniya xəbər verir ki, əsgərlər barda həddindən artıq spirtli içki qəbul etdikdən sonra, ətrafdakı mülki şəxslərlə mübahisə ediblər. Mübahisə əlbəyaxa dava çevrilib və hadisə yerinə polis qüvvələri cəlb olunub.
Dava nəticəsində bir əsgər müxtəlif xəsarətlərlə xəstəxanaya yerləşdirilib. Digər əsgərlər isə qərargahlarına aparılıblar.
Qeyd olunur ki, NATO hərbçilərinin Litvada dava-dalaş salmalası ilk belə hadisə deyil. Daha əvvəl də, Alyansın Çexiyadan olan əsgərləri Litva polisi ilə "toqquşmuş", nəticədə polis əsgərlərə qarşı elektroş cihazlarından istifadə etmişdi.
