BAKI, 11 oktyabr — Sputnik. "ABŞ-ın Ankaradakı səfiri Con Bass ölkənin ən yaxşı diplomatlarından biridir və viza qərarını həm Dövlət Departamenti, həm də Ağ Evlə koordinasiyalı şəkildə qəbul edib".
Sputnik Azərbaycan "Haberler"ə istinadla xəbər verir ki, bu açıqlamanı ABŞ Dövlət Departamentinin sözçüsü Xezer Nauert verib. O, Türkiyə ilə viza böhranını şərh edərkən, ABŞ-ın İstanbuldakı Baş Konsulluğunun əməkdaşının həbsindən məyus olduqlarını dilə gətirib.
"Türkiyənin qərarından narahatıq. Türkiyə hökumətinin nə üçün belə bir addım atdığı bəzi suallar doğurur. Münasibətlərimizin düzəlib-düzəlməməsi Türkiyənin mövqeyinə bağlıdır" — deyə Xezer Nauert bildirib.
Onun sözlərinə görə, həbs edilən konsulluq əməkdaşlarının tez bir zamanda sərbəst buraxılması dialoq üçün yaxşı başlanğıc olacaq.
