BAKI, 19 sentyabr — Sputnik. "Barselona" baş məşqçisi Ernesto Valverde İspaniya La Liqasında sentyabrın 20-də oynayacaqları "Eybar"-la oyun öncəsi mətbuat konfransı keçirib. Sputnik Azərbaycan "NTV"-yə istinadən xəbər verir ki, Valverde jurnalistlərin Arda Turanla bağlı suallarını da cavablandırıb. O, türk futbolçunun nə üçün heyətə salınmadığını belə əsaslandırıb:
"Bütün futbolçular komandanın bir parçasıdır. Arda da onlardan biridir. Mövsüm uzundur, hər kəsə eyni davranmağa çalışıram. Əgər faydalı olacağına inansam, əlbəttə o da ilk heyətdə meydana çıxacaq" — məşqçi deyib.
