Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Dəhşətli təfərrüatlar: Başsız cəsəd Azərsu-nun stansiyasına necə düşüb

© Sputnik / Irade JELILKanalizasiya suları
Kanalizasiya suları - Sputnik Azərbaycan
Abunə olmaq
Hövsanda tapılmış və hissələrə parçalanmış naməlum kişi cəsədi barədə təfərrüatlar məlum olub

BAKI, 6 sentyabr — Sputnik. Hissələrə bölünmüş cəsədi sentyabrın 5-də Azərsu ASC-nin Hövsan Aerasiya Stansiyasının kollektoru yaxınlığından tapılmış gənc kişinin odlu silahla qətlə yetirildiyi məlum olub. Bu barədə Sputnik Azərbaycan- a hüquq-mühafizə orqanlarından məlumat verilib.

Qətlə yetirilmiş şəxsin cəsədinin bel, sinə, qarın və bud hissəsindən dörd güllə yarası aşkarlanıb. Atəş yaxın məsafədən açılıb. Silahın növü hələlik müəyyən edilməyib və gilizlər tapılmayıb. Ekspertlərin fikrincə, qətl iki gün əvvəl törədilib.

Cəsəddən xilas olmaq və cinayətin izlərini itirmək üçün qatil qurbanının başını və aşağı ətraflarını bədənindən ayırmaqla onu hissələrə bölüb.

Həftənin ikinci günü axşam saatlarında Suraxanı rayonunun Hövsan qəsəbəsi ərazisində öldürülmüş şəxsin ayaqlarının bud hissəsi tapılıb. Hazırda cəsədin qalıqlarının axtarışı davam etdirilir. Öldürülmüş adamın şəxsiyyəti hələlik məlum deyil. Prokurorluğun əməliyyat-istintaq qrupu və Suraxını rayon Polis İdarəsi axtarışları davam etdirir. 

N saylı hərbi hissədə baş verən partlayış - Sputnik Azərbaycan
İki maddə ilə cinayət işi başlandı

Mütəxəssislərin fikrincə, qətl şəhər kənarında insanların olmadığı yerdə törədilib. Ehtimal var ki, qətl Bilgəh qəsəbəsi ərazisində baş verib. Çünki paytaxtın mərkəzi hissəsində baş versəydi, belə hadisə nəzərə çarpmamış olmazdı. Qurbanın cəsədinin qısa müddətdə aşkarlanması bu versiyanı daha inandırıcı edir. Qatil cəsədin hissələrini onun aşkarlandığı yerin yaxınlığındakı təmizlik kollektorunun lyukuna tullayıb.

Azərsu ASC-nin mətbuat xidmətinin rəhbəri Anar Cəbrayıllı Sputnik Azərbaycan-a bildirib ki, öz iş təcrübəsi dövründə ilk dəfədir belə halla rastlaşır. "Paytaxtın müxtəlif rayonlarının yeraltı kollektorları yalnız Hövsan Aerasiya Stansiyasına axır və buna görə də qətlə yetirilmiş şəxsin cəsədi yalnız kanalizasiya lyukuna atıla bilər" — deyə o, bildirib.

Eyni zamanda qətlin baş vermə şəraiti barədə müxtəlif fərziyyələr irəli sürülüb. Əvvəlcə qatil qaçmağa cəhd edən qurbanını belindən vurub. Sonra o, yaralı kişinin sinəsinə və qarnına atəş açıb. Qətlin ardından cəsəd başqa yerə aparılıb və hissələrə bölünüb.

İstintaq orqanları ümid edir ki, kişinin şəxsiyyəti yaxın günlərdə, polisə itkin düşmüş şəxslərlə bağlı müraciətlər daxil olandan sonra müəyyən ediləcək. 

Мужчина в наручниках, фото из архива - Sputnik Azərbaycan
CƏMİYYƏT
Bakıda avtobus sürücüsünü silahla hədələyən şəxsin digər cinayətləri üzə çıxıb

Bakı şəhər prokurorluğu və Bakı şəhər Baş Polis İdarəsi qətl hadisəsi ilə bağlı birgə bəyanat yayıblar. Bəyanatda bildirilir ki, məhkəmə-tibb ekspertinin iştirakı ilə dərhal hadisə yerinə və meyitə baxış keçirilib, şahidlər dindirilib, müvafiq ekspertizalar təyin edilib və digər təxirəsalınmaz prosessual hərəkətlər yerinə yetirilib.

Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb və istintaqın davam etdirilməsi Bakı şəhər prokurorluğunun İstintaq idarəsinə tapşırılıb.

Hazırda cinayət işi üzrə naməlum meyitin şəxsiyyətinin və hadisənin baş vermə səbəblərinin müəyyən edilməsi istiqamətində intensiv istintaq-əməliyyat tədbirləri davam etdirilir.

Xəbər lenti
0