Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Partlayışla əlaqədar şimal bölgəsinə gedən yol bağlandı

© Sputnik / Murad OrujovПожар в оружейном складе N-ской воинской части Министерства обороны Азербайджана
Пожар в оружейном складе N-ской воинской части Министерства обороны Азербайджана - Sputnik Azərbaycan
Xəbərlərə abunə olun
Yandex newsTelegram
Baş verənlərlə əlaqədar ərazi üzrə hərbi komissarlıqlara da müvafiq təlimatlar verilib

Leyla Abdullayeva, Sputnik Azərbaycan

BAKI, 27 avqust — Sputnik. N saylı hərbi hissənin silah anbarında baş vermiş partlayış və yanğınla əlaqədar olaraq, təhlükəsizlik tədbiri təşkil etmək üçün hal-hazırda Bakı-Quba magistral yolu bağlanıb. Sputnik Azərbaycan-ın bölgə müxbiri xəbər verir ki, hadisə ilə bağlı əraziyə gediş-gəliş dayandırılıb.

Hadisənin Siyəzən rayonu ərazisində yerləşən hərbi hissədə baş verdiyi qeyd olunsa da, həmin ərazi inzibati baxımdan Xızı rayonuna tabedir. Baş verənlərlə əlaqədar ərazi üzrə hərbi komissarlıqlara da müvafiq təlimatlar verilib.

Пожар в оружейном складе N-ской воинской части Министерства обороны Азербайджана - Sputnik Azərbaycan
HADİSƏ
Azərbaycanda silah anbarı partladı: əhali evakuasiya olunur

Xatırladaq ki, bu gün Müdafiə Nazirliyinin N saylı hərbi hissəsinin silah anbarında yanğın baş verib. Nəticədə ərazidə partlama müşahidə olunub.

Müdafiə Nazirliyinin (MN) mətbuat xidmətindən Sputnik Azərbaycan-a verilən məlumata görə, hadisənin səbəblərinin öyrənilməsi və müvafiq təhlükəsizlik tədbirlərinin həyata keçirilməsi məqsədilə aidiyyəti strukturların nümayəndələrindən ibarət qrup hadisə yerindədir. İndiyə olan məlumata görə həlak olan və xəsarət alan yoxdur.

Hərbi hissənin silah anbarında baş vermiş partlayışla əlaqədar hadisə yerinə 10 təcili tibbi yardım briqadası göndərilib. Bu barədə APA-ya Səhiyyə Nazirliyinin Təcili və Təxirəsalınmaz Tibbi Yardım Stansiyasının baş həkimi Mirələm Cəlalov məlumat verib.

Baş həkim qeyd edib ki, partlayışla müşayiət olunan yanğın davam etdiyindən təcili yardım maşınları əraziyə buraxılmır. Hadisə nəticəsində yaralıların olduğu barədə məlumat daxil olduğunu deyən M. Cəlalov ehtiyac yaranacağı təqdirdə əraziyə əlavə briqadalar göndəriləcəyini bildirib.

Məlumata görə, hadisəyə yaxın yaşayış məntəqələrindən əhali evakuasiya olunur.

Xəbər lenti
0