Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

Məşqçisi Ramil Quliyevdən narazılıq etdi: "Onu təbrik etməyəcəm"

© AFP 2023 / Glyn KIRKRamil Quliyev
Ramil Quliyev - Sputnik Azərbaycan
Abunə olmaq
"Heç onunla danışmıram da"

BAKI, 11 avqust — Sputnik. Xəbər verdiyimiz kimi, Türkiyəni təmsil edən azərbaycanlı idmançı Ramil Quliyev Londonda keçirilən dünya çempionatında qızıl medal qazanıb. 200 metr məsafəyə qaçış üzrə dünya çempionu olan Ramil Quliyev çiyninə Azərbaycan bayrağı salıb və bütün dünyaya Azərbaycanlı olduğunu nümayiş etdirib.

Ramil Quliyevi ilk dəfə idmana gətirən Azərbaycan yüngül atletika üzrə milli komandasının baş məşqçisi Tofiq Əliyev Unikal.org-a keçmiş tələbəsi haqqında danışıb.

"Mən bu barədə heç nə danışmaq istəmirəm. Amma sizin xahişinizlə hər şeyə aydınlıq gətirəcəm. Əvvala, Ramil Quliyevin rəhmətlik atası Eldar Quliyev də məşqçi idi. Amma o, oğlu Ramil Quliyevi heç zaman idmana gətirmirdi. Eldar kişidən Ramili mənim yanıma idmana göndərməsini xahiş etdim. İlk günlər R.Quliyevin də bu idman növünə heç həvəsi yox idi. Amma təklifimlə R.Quliyev 2002-ci ildən mənim yanımda idmanla məşğul olmağa başladı" — deyə məşqçi bildirib.

Onun sözlərinə görə, Quliyev ilk illər nəticə göstərməsə də, növbəti illərdə zəhməti nəticə verməyə başlayıb. Azərbaycan idmançıları arasında Olimpiadaya vəsiqə qazanan ilk adam Ramin Quliyev olub. O, Çexoslavakiyada 20.43 saniyəlik dərəcəylə ikinci yeri tutub və Olimpiadaya Azərbaycandan ilk vəsiqə alan idmançı adını qazanıb.

"O, mənim rəhbərliyim altında Azərbaycanı 2008 Pekin Olimpiadasında təmsil etdi. Olimpiadaya gedəndə başına maraqlı hadisə də gəlmişdi. Belə ki, o idman geyimini Moskva hava limanında unutmuşdu. Bu, bir az ona problem yaratsa da, çinlilər ona geyim təşkil etdilər. Bu Olimpiadandan sonra Ramil Quliyev atasının təklifi əsasında məndən ayrıldı və ona atası məşqçilik etməyə başladı. Amma bundan sonra da mən bir məşqçi kimi hər zaman ona və rəhmətlik atasına dəstək olmuşdum" — deyə Tofiq Əliyev bildirib.  

Baş məşqçi keçmiş yetirməsindən giley-güzar da edib:

"R.Quliyev ilk dəfə deyil ki, uğur qazanır. Onu idmana mən gətirmişəm və heç zaman ona pislik etməmişəm. Mənim də nailiyyətlərim olub. Hazırda yaşım o yaş deyil ki, yenidən uğur qazanım. Uğurum isə tələbələrimdir. Hər zaman tələbələrimdən hörmət gözləmişəm və bundan başqa mənim heç nəyə ehtiyacım yoxdur. Amma digər tələblərim kimi Ramildən də salam-sağ ol gözləyirəm. Mən onu heç vaxt zəng edib təbrik etməyəcəm. Zəngi ondan gözləyirəm. Çünki onun bugünki uğurunda az da olsa mənim də zəhmətim var. Mən bu borcun hər hansı bir əşya ilə deyil, Ramilin mənə deyəcəyi xoş sözlə qarşılanmasını gözləyirəm. Amma nədənsə, Ramil mənə soyuqluq göstərir".

T.Əliyev bu yaxında Ramil Quliyevlə görüşdüyünü də deyib:

"Türkiyəni təmsil edən atlet Ramil Quliyev "Bakı-2017" IV İslam Həmrəyliyi Oyunlarında qızıl medal qazandı. Sprinter finalda 100 metr məsafəni 10,06 saniyəyə qət etdi. Oyunlarda qələbə qazandı. Hazırda onun şəxsi məşqçisi Oleq Muxindir. Heç onunla danışmıram da. Amma Oyunlar ərəfəsində Ramil mənimlə görüşüb hal-əhval tutdu”.

Xəbər lenti
0