BAKI, 9 iyun — Sputnik. Son bir neçə gündə "qara bazar"da dolların məzənnəsi stabil olaraq qalıb. Fins.az-ın fərdi qaydada valyuta satışı ilə məşğul olan şəxslərdən əldə etdiyi məlumatlara əsasən səhər saatlarında dolların alışı 1.6850 manat, satışı isə 1.6900 manat təşkil edir. Dollardan fərqli olaraq, avro "qara bazar"da bahalaşıb. Belə ki, Avropa valyutasının alışı hazırda 1.8700 manatdan 1.8900 manata, satışı isə 1.8900 manatdan 1.9000 manata yüksəlib.
Bu arada, ölkənin bir neçə bankı valyutanın satış və alış qiymətlərinə dəyişiklik edib. Səhər saatlarında banklarda dolların ən sərfəli alış məzənnəsi 1.6910 manata, ən sərfəli satışı 1.6930 manata bərabərdir. Dünən isə səhər vaxtları bu göstəricilər müvafiq olaraq 1.6900 və 1.6930 manata bərabər idi.
Araşdırmaya əsasən, dünən axşam saatları ilə müqayisədə "ATABank" dolların alış qiymətini 1.6750 manatadan 1.6800 manatadək bahalaşdırıb. "Kapital Bank" həmçinin, ABŞ valyutasının alış qiymətini bahalaşdırıb: 1.6900 manatdan 1.6910 manatadək.
"Yapı Kredi Bank Azərbaycan" isə dolların alış qiymətini bahalaşdırıb, satışı ucuzslaşdırıb: alış – 1.6900 manatdan 1.6910 manatadək, satış 1.7050 manatdan 1.7030 manatadək.
"Bank Silk Vey" həmçinin dolların satış qiymətini ucuzlaşdırıb: 1.7025 manatdan 1.7000 manatadək.
