Бакинский Олимпийский стадион, фото из архива - Sputnik Azərbaycan
İDMAN
Ölkənin və dünyanın idman həyatına dair məlumatlar

Azərbaycan Qran Prisi bu şəhərdə də təqdim olundu

© Sputnik / Murad OrujovВсплеск эмоций на Гран-При Формулы-1 в Баку
Всплеск эмоций на Гран-При Формулы-1 в Баку - Sputnik Azərbaycan
Abunə olmaq
Nigar Arpadarai: "Bakıda keçirilən Formula 1 yarışının Gürcüstanda təbliğinə xüsusilə çalışırıq"

BAKI, 26 may — Sputnik. Bakı Şəhər Halqası Əməliyyat Şirkətinin rəsmiləri Tiflisdə Gürcüstan mediasının nümayəndələrinə “Qafqazda Formula 1: Regionda Turizm ilə Avtoidmanın Birgə İnkişafı” mövzusunda təqdimat keçirib və iştirakçılara Azərbaycan Qran Prisi haqqında ətraflı məlumat veriblər.

"Mariott" otelində baş tutan görüşdə BŞH-nın Marketinq və Kommunikasiya şöbəsinin rəhbəri Nigar Arpadarai ilə Kommersiya şöbəsinin rəhbəri Bülənt Özərdim çıxış ediblər. 

Formula-1 yarışının ümumi qaydaları ilə nəzəri və praktiki tanışlıq” mövzusunda təlim - Sputnik Azərbaycan
Jurnalistlər Formula-1-in qaydaları ilə tanış oldular

Regionda turizmlə avtoidmanın qarşılıqlı inkişafı perspektivlərindən danışan Nigar Arpadarai Azərbaycanda baş tutan Formula 1 yarışına Gürcüstandan böyük maraq göstərildiyini bildirib: “Biz ötən il olduğu kimi bu il də Bakıda keçirilən Formula 1 yarışının Gürcüstanda təbliğinə xüsusilə çalışırıq. Ötən il Gürcüstandan paytaxtımıza yarışı izləmək üçün çox sayda Formula 1 azarkeşi gəlmişdi. Bu il daha intensiv şəkildə apardığımız kampaniyalar və keçirdiyimiz görüşlər nəticəsində ötən illə müqayisədə daha çox gürcüstanlı turistin gələcəyini gözləyirik. İnanıram ki, Formula 1 azarkeşlərinin böyük maraq və həvəslə gözlədiyi Azərbaycan Qran Prisi region ölkələrində avtoidman mədəniyyətinin inkişafında böyük xidmət göstərəcək”.

Bakıda Formula 1 yarışının yay fəslinin başlanğıcında keçirilməsi ölkəyə xaricdən turist axınına səbəb olacağını qeyd edən Bülənt Özərdim Gürcüstanın Azərbaycan Qran Prisinə ən çox maraq göstərən ölkələrdən biri olduğunu bildirib: “Bu il Bakıda bu yay 23-25 iyun tarixlərində baş tutacaq Formula 1 yarışına indiyədək 54 ölkədən bilet alınıb. Ötən ilin müvafiq dövrü ilə müqayisədə bu il daha çox bilet satılıb. Builki yarışa daha çox ölkənin maraq göstərməsinə baxmayaraq Gürcüstan hər iki il ilk beşliyə daxil olaraq öz qabaqcıl mövqeyini qoruyub saxlaya bilib. Nəticədə biz bu il keçən ildəkindən olduqca çox sayda gürcüstanlı turist gözləyirik”.

Qeyd edək ki, BŞH rəsmilərinin Tiflisdə Formula 1 yarışı ilə bağlı keçirdiyi ilk görüşə jurnalistlər ilə yanaşı biznes sektorunun nümayəndələri də böyük maraq  göstərib.

Xəbər lenti
0