BAKI, 22 may — Sputnik. IV İslam Həmrəyliyi Oyunlarında daha bir idman növündə oyunlara yekun vurulub. Sputnik Azərbaycan xəbər verir ki, Şərq idman növü olan uşuda da Azərbaycan idmançıları uğurlu nəticə ilə yarışı yekunlaşdırıblar. Bu idman növündə Azərbaycan yığması yarışın sonuncu günündə 6 medal qazana bilib.
Millimizin üzvləri Elçin Eminov (56 kq), Bayram Şəmmədov (65 kq) və Vüqar Kərimov (70 kq) finalda rəqiblərinə məğlub olaraq gümüş medal qazanıblar. Orxan Hətəmov (48 kq), Ruslan Pirəliyev (60 kq) və Pərviz Abdullayev (75 kq) isə bürünc medalla kifayətlənməli olublar.
