BAKI, 22 may — Sputnik. IV İslam Həmrəyliyi Oyunlarının bağlanış mərasimi start götürüb.
Sputnik Azərbaycan-ın məlumatına görə, Azərbaycan prezidenti İlham Əliyev, birinci vitse-prezident və “Bakı 2017” Təşkilat Komitəsinin sədri Mehriban Əliyeva və İslam Həmrəyliyi İdman Federasiyasının baş katibi Faisal Əbdüləziz Əl Nassar mərasimdə iştirak edirlər.
İslam Oyunlarında 268 dəst medal sahibini tapıb.
11 gün ərzində 269 qızıl, 267 gümüş, 350 bürünc, ümumilikdə 886 mükafat 40 ölkə təmsilçisi arasında bölüşdürülüb.
Bu medallardan 162-si Azərbaycan idmançılarının payına düşüb. Ümumi medal sayında Türkiyədən (195) geri qalmasına baxmayaraq, əyarına görə yığmamız İslam Oyunlarının qalibi olub.
