BAKI, 3 may — Sputnik. Azərbaycanda keçiriləcək İslam Həmrəyliyi Oyunlarında iştirak edəcək idmançıların siyahısı artıq hazırdır. Bu il İslamiadada Azərbaycanı təmsil edəcəyi gözlənilən, Rio-2016 Olimpiya oyunlarının gümüş mükafatçısı Lorenso Sotomayor İslam Həmrəyliyi Oyunlarında Azərbaycanı təmsil etməyəcək.
Bu barədə o, Sputnik Azərbaycan-a özü açıqlama verib. İdmançı bildirib ki, çəkisi artıq olduğundan yarışa qatılması mümkün deyil.
"Bəli, bu yarışda təəssüflər olsun ki, çıxış edə bilməyəcəm. Çəkim çoxdur. Hal-hazırda 68 kiloyam. Bir neçə günə 4 kilo çəki salıb zəif çıxış etmək istəmirəm. Qarşıda Avropa və Dünya çempionatları var. Həmin yarışlara hazırlaşıram. Ümid edirəm ki, bu yarışlarda qalib gələcəm" — Satomayor vurğulayıb.
