BAKI, 24 aprel — Sputnik. Bakı 2017 Oyunları Kapital Bank ilə müqavilə imzalayıb. Sputnik Azərbaycan xəbər verir ki, Kapital Bank oyunlar ərzində oyun iştirakçılarının bank xidmətlərini təmin edəcək.
Kapital Bank Atletlər Kəndində ATM-lər, xarici valyutadəyişmə aparatları yerləşdirməklə, Bakı 2017 IV İslam Həmrəyliyi oyunlarının tamaşaçıları, mətbuat nümayəndələri və idmançıları üçün xidmət göstərəcək.
Milyonlarala müştərisinin xidmətində dayanan Kapital Bank, IV İslam Həmrəyliyi oyunları zamanı tədbirin təbliğatında geniş rol oynayacaq, idmansevərlərə xidmətləri vasitəsi ilə yeniliklər barədə məlumat verəcək.
