Hikmət Hacıyev: “Ərəb dövlətlərinin 200-dən çox media qurumunun jurnalistləri tədbiri işıqlandırmaq üçün Bakıya gələcəklər”
Xarici İşlər Nazirliyinin mətbuat xidmətinin rəhbəri Hikmət Hacıyev Sputnik Azərbaycana bildirib ki, XİN digər dövlət qurumları ilə əlaqəli şəkildə öhdəliyinə düşən işləri yerinə yetirir: “Tədbirdə iştirak edəcək şəxslərin, o cümlədən tamaşaçıların sadələşdirilmiş şəkildə vizalarının alınması mexanizmi nəzərdə tutulub. Belə ki, akreditasiyadan keçmiş şəxslər çox asanlıqla və vizadan azad olunmuş şəkildə ölkəmizin ərazisinə daxil ola biləcəklər. İslam Həmrəyliyi Oyunları ilə əlaqədar daha da sadələşdirilmiş viza rejiminin tətbiqi nəzərdə tutulub”.
“Çox sevindirici haldır ki, bu oyunları işıqlandırmaq üçün mindən çox yerli və xarici mediya orqanı akreditasiya üçün müraciət edib və bu iş uğurla həyata keçirilib. Xüsusən də ərəb dövlətlərinin 200-dən çox media qurumunun jurnalistlərinin bu tədbiri işıqlandırması üçün digər dövət qurumları ilə əməkdaşlıq etməklə fəaliyyətlərinə tam şərait yaradılacaq” – deyə o bildirib.
