BAKI, 16 apr — Sputnik. Futbol üzrə Azərbaycan Premyer Liqasında 2016-2017 mövsümünün qalibi XXVI turda müəyyənləşib.
Sputnik Azərbaycan Report-a istinadla xəbər verir ki, Ağdamın "Qarabağ" klubu sona 2 tur qalmış qızıl medalları təmin edib.
Qurban Qurbanovun baş məşqçi olduğu komanda səfər matçında "İnter"i 3:0 hesabı ilə yenib.
Hesabı 4-cü dəqiqədə Mahir Mədətov açıb. Digər qolları isə 54-cü və 79-cu dəqiqələrdə Cənubi afrikalı hücumçu Dino Ndlovu vurub. Bununla da lider ən yaxın izləyicisi "Qəbələ"ni 7 xal geridə qoyub.
Hazırda 56 xala malik "Qarabağ" üçün bu, ardıcıl 4-cü, tarixi ərzində isə 5-ci çempionluq olub. İlk çempionluq 1994-cü ildə qazanılıb. Beləliklə, Ağdam təmsilçisi yubiley çempionluğunu əldə edib.
