BAKI, 13 apr — Sputnik. "BMT daxilindəki sistemsizlik Suriyada zülmün bitməsinə əngəl yaradır. Zülm edənlər cəzasız qalır".
Sputnik Azərbaycan CBC-ə istinadən xəbər verir ki, bunu Kanadanın xarici işlər naziri Kristia Friland deyib. "BMT Təhlükəsizlik Şurasında Suriya rejimi əleyhinə keçirilən səsvermə zamanı Rusiyanın veto qərarı verməsi bizi dərindən kədərləndirdi" — Friland bildirib.
"BMT-dəki sistemsizlik problemi suriyalıların ağrısını görməzdən gəlməklə nəticələnir və zalımların etdikləri zülmə görə cavab verməsinin önünü kəsir. Biz Əsəd rejiminə dəstək olan az sayda dövlətləri, kimyəvi silahlardan istifadəni pisləyən beynəlxalq birliklə yanaşı durmağa çağırırıq" — o, əlavə edib.
