BAKI, 26 mart — Sputnik. Futbol üzrə Azərbaycan millisi bu gün DÇ-2018-in seçmə mərhələsi çərçivəsində növbəti oyununa çıxıb. Sputnik Azərbaycan-ın məlumatına görə, yığmamızın rəqibi C qrupunun lideri Almaniya yığması olub. Oyun Bakıda keçirilib.
Görüşdə hesabı 19-cu dəqiqədə qonaqlar açıblar. Almanları Şürrle irəli çıxarıb. 31-ci dəqiqədə Nazarov cavab topunu vurub — 1:1.
Lakin 5 dəqiqə sonra Müller yenidən almanları hesabda irəli çıxarıb. 45-ci dəqiqədə isə Qomes Azərbaycan yığmasının qapısından növbəti topu keçirib — 1:3.
İkinci hissədə 81-ci dəqiqədə Şürrle hesabı yenə dəyişdirib — 4:1. Oyun elə bu hesabla da başa çatıb.
