BAKI, 14 mart – Sputnik. İngiltərə mətbuatı Türkiyənin "Konyaspor" futbol klubu ilə bağlı maraqlı məlumat paylaşıb. Sputnik Azərbaycan bu barədə Milliyet-ə istinadən xəbər verir.
Xəbərə görə, türk klubunun başına "Arsenal"ın baş məşqçisi Arsen Vengerin yardımçısı Boro Primoraç keçəcək.
Qeyd edək ki, son vaxtlar "Konyaspor"un hazırki məşqçisi Aykut Kocamanın adı "Fənərbağça" ilə hallanır. Belə ki, Kocamanın yaxın günlərdə "Fənərbağça"nın başına keçəcəyi bildirilir.
Bunun üzərinə məşqçi axtarışına çıxan "Konyaspor"un "Arsenal"ın köməkçi məşqçisi ilə razılaşdığı qeyd olunub.
