BAKI, 22 fev – Sputnik. İngiltərənin "Arsenal" futbol klubunun türk əsilli ulduz oyunçusu Məsut Özil sevgilisi Əminə Gülşəni görmək üçün komanda rəhbərliyindən 3 günlük icazə alaraq İstanbula gəlib.
Sputnik Azərbaycan Türkiyə NTV-nə istinadən xəbər verir ki, futbolçu və sevgilisi İstanbulun görkəmli yerlərini gəzərək satın almaq üçün bir neçə evə baxıblar. Xəbərə görə, cütlük dənizə mənzərəsi olan bir yerdə görkəmli villanı bəyəniblər. Yaxın günlərdə alqı-satqı işinin başlayacağı qeyd olunub.
