BAKI, 31 yan — Sputnik. Azərbaycan Kikboksinq Federasiyasının yığma komandasının üzvü, bir sıra nüfuzlu yarışların qalibi Xəyal Əhmədov 2017-ci ilin mart ayının 25-də Almaniyanın Frankfurt şəhərində peşəkarlar arasında keçiriləcək yarışda iştirak edəcək.
Bu barədə Sputnik Azərbaycan-a danışan idmançı yarışa ciddi hazırlaşdığını bildirib.
“Dünyada Azərbaycan adını ucaltmaqdan gözəl hiss ola bilməz. Bir idmançı üçün öz dövlətinin himnin ifa olunması və bayrağını ucaldılmasından şərəfli heç nə yoxdur. Rinqə bu amalla çıxırıq" — Əhmədov bəyan edib.
Əhmədovun sözügedən yarışdakı rəqibi amerikalı kikboksçu Kris Teylor olacaq.
"Teylor kifayət qədər təcrübəli və güclü idmançıdır. Lakin mən qələbə qazanacağıma inanıram” — azərbaycanlı kikboksçu bildirib.
