Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Bəhram Bağırzadə istefa verdi

© Photo : Bəhram Bağırzadənin rəsmi Facebook səhifəsiBəhram Bağırzadə
Bəhram Bağırzadə - Sputnik Azərbaycan
Abunə olmaq
"Öz adımdan bütün azarkeşlərdən, "Netçi"nin oyunlarına görə aldıqları böyük məyusluq hisslərinə görə səmimi qəlbdən üzr istəyirəm"

BAKI, 21 noy — Sputnik. "Neftçi"nin Müşahidə Şurasının üzvü olan Bəhram Bağırzadə tutduğu vəzifədən istefa verib. Sputnik verir ki, o, bu bəradə şəxsi "Facebook" səhifəsində məlumat verib. Həmin statusu olduğu kimi sizə təqdim edirik:

"Hörmətli azarkeşlər!

Özümü dərk etdiyim həyatım boyu mən "Neftçi" komandasının sadiq azarkeşi olmuşam. Bir neçə il əvvəl bu əfsanəvi komandanın Müşahidə Şurasının üzvlərindən biri olmaq şərəfinə layiq görüldüm. Bütün bu illər boyu Şuranın bütün üzvləri "Neftçi" komandasının yenidən Azərbaycan futbolunun "bir nömrəli komandası" olması üçün nəhəng səylər göstərdilər.

Mən öz vəzifələrim çərçivəsində daim müxtəlif kreativ layihələr fikirləşirdim və tətbiq etməyə çalışırdım ki, komandanın ictimai imici qalxsın və "Nefçi"nin azarkeşlərini yenidən stadionlara qaytarmağa kömək etsin. Lakin əfsuslar olsun ki, mənim bütün səylərim faydasız oldu, çünki onlar üçün gözəl şərait yaradılmış futbolçular "Netçi"nin yüksək adına uyğun olmaq istəmirlər!

Mən özümü fəaliyyətimin bütün sahələrində uğurlu insan hiss edirəm, lakin mənim uğurum bəxt və ya təsadüfi uğur deyil. Hər şeydən əvvəl, bu, ağır, daimi, gündəlik zəhmətin bəhrəsidir, ona görə mən "Netçin"nin çoxsaylı azarkeşlərinin gözlərində ləyaqətsiz görünmək və meydançada bir-birinin ardınca səbəbsiz yerə uduzan futbolçuların dəhşətli uğursuzluqlarına görə qızarmaq istəmirəm.

Öz adımdan bütün azarkeşlərdən, "Netçi"nin oyunlarına görə aldıqları böyük məyusluq hisslərinə görə səmimi qəlbdən üzr istəyirəm. Qəti surətdə qalib olmaq istəməyənləri məcburən qalib olmağa vadar etmək mümkün deyil!

Hörmətli azarkeşlər, bu vəziyyətlə əlaqədar, mən istefa verirəm və "Netçi"nin Müşahidə Şurasından gedirəm. Bu qərarı böyük ürək ağrısı ilə verdim, lakin hələ də ümid edirəm ki, mənim sevimli komandam nə vaxtsa layiqli yer tutacaq və bizim Vətənə çoxlu mükafat gətirəcək!!!

Hörmətlə, Bəhram Bağırzadə".

Xəbər lenti
0