BAKI, 16 noy — Sputnik. Braziliyanın Rio-de-Janeyro şəhərində təşkil olunan Olimpiya oyunlarının, 66 kilo çəki dərəcəsində bürünc mükafatçısı, Dünya və Avropa çempionu Rəsul Çunayev əməliyyat olunub. Bu barədə Sputnik Çunayevin şəxsi "Facebook" səhifəsinə istinadən xəbər verir.
Rəsul Çunayev: 25 yaşımda 4-cü əməliyyatı keçirdim, bu səfər sol dizimdən
© Photo : Rəsul Çunayevin Facebook profili
İdmançı 4-cü dəfə əməliyyat olunduğunu yazıb: "25 yaşımda 4-cü əməliyyatı keçirdim, bu səfər sol dizimdən. Belə getsə, əməliyyat üzrə yarışlara qatılacağam. Bəziləri də elə bilirlər, Rəsul kefdədir.
Daha bilmirlər ki, hansı zədələrlə çıxıb mübarizə aparıram. Təki əməliyyatla düzələn problemlər olsun".
