ELM

İşdən çıxarılan direktor şöbəni bir-birinə qatdı

© Sputnik / Kamal Almuradlıİmişli rayon təhsil şöbəsi
İmişli rayon təhsil şöbəsi - Sputnik Azərbaycan
Xəbərlərə abunə olun
İmişli təhsil şöbəsində qalmaqal baş verib. Şöbə müdiri məktəb direktorunu polisə təhvil verib.

BAKI, 21 okt — Sputnik. Oktyabrın 19-da iş vaxtının sonuna yaxın İmişli rayon təhsil şöbəsinin inzibati binasında qalmaqal baş verib. İşdən azad edilən Muradxanlı ümumi orta məktəbinin direktoru Zakir Nəzərov şöbə müdiri ilə mübahisə edib.

Orta məktəb şagirdləri dərs zamanı - Sputnik Azərbaycan
TƏHLİL
"Təhsil Nazirliyi mütəxəssislərlə işləmək əvəzinə, onları "daşa tutur""

Şahidlərin Sputnik-ə bildirdiklərinə görə, əsəblərini cilovlaya bilməyən direktor ucadan çığıraraq ayrı-ayrı şəxslərin ünvanına söyüş yağdırıb. İnzibati bina şəhərin mərkəzi hissəsində, xidmət təşkilatlarının əhatəsində yerləşdiyindən, onun qarşısına xeyli sayda şəhər sakini toplanıb. Bir qədər sonra binaya polis əməkdaşları daxil olub və etirazçı direktor məcburi qaydada İmişli Rayon Polis Şöbəsinə aparılıb.

Məktəb direktoru Zakir Nəzərov mübahisənin vəzifə üstündə deyil, işdən azad olunması ilə bağlı olduğunu deyib: "Mən 42 ildir ki, pedaqoji fəaliyyətlə məşğulam. Bir kənd məktəbinin təkcə direktoru yox, sıravi müəllimi, qara fəhləsi, ocaqçısı, qarovulçusu olmuşam. Yaşa görə vəzifədən azad etməyi qalsın bir yana, şöbə müdiri məni müəllim kimi də işdə saxlamaq istəmir. Halbuki, müqavilə əsasında yaşı 65-dən yuxarı nə qədər direktor vəzifədə saxlanılıb, müəllim işə götürülüb. Mən özümə qarşı olan bu ədalətsiz, qərəzli münasibətə etiraz edirəm".

O, şöbə müdirinin göstərişi əsasında saxlanıldığını bildirib: "Məni tutub bir otağa saldırtdırdı və qapını arxadan bağladı. Sonra da polis çağırdı. Bir sutka haqsız yerə saxlanılmışam".

İmişli Rayon Təhsil Şöbəsinin müdiri Ramiz Əmirov baş verənlərə belə münasibət bildirib: "O, 65 yaşı tamam olduğundan, direktor vəzifəsindən azad edilib. Lakin bu günədək möhürü təhvil verməyib. Üstəlik sərxoş vəziyyətdə inzibati binaya daxil olaraq ucadan söyüş söyməyə başlamışdı. Polisə məlumat verdik, gəlib apardılar".

Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала