BAKI, 11 okt — Sputnik. Azərbaycan milli komandasını böyük sınaq gözləyir. Sputnik AFFA-nın mətbuat xidmətinə istinadən xəbər verir ki, Dünya Çempionatı 2018-in seçmə mərhələsində bu gün saat 22:45-də Ostrava şəhərindəki "Mestsky" stadionunda Çexiya və Azərbaycan milli komandaları qarşılaşacaq.
Oyunu Sloveniyadan olan hakimlər briqadası idarə edəcək: Baş hakim Matej Juq, Baş hakimin köməkçiləri Tomaş Klançnik, Manuel Vidali və dördüncü hakim Mitja Zqaneç olacaq.
Xatırladaq ki, UEFA nümayəndəsi Kiprli George Kumas, hakim-inspektor isə İspaniyadan olan Manuel Diaz Veqadır.
