CƏMİYYƏT
Cəmiyyətin həyatında baş verən aktual hadisələr

Xaricdə yaşayan azərbaycanlı iş adamları Bakıda toplanacaqlar

Abunə olmaq
Paytaxtımızda Dünya Azərbaycanlı İş Adamlarının Forumu keçiriləcək. Forumda xarici ölkələrdə yaşayan 300 nəfərə yaxın azərbaycanlı iş adamı və diaspor rəhbərinin iştirakı nəzərdə tutulub.

BAKI, 29 sen — Sputnik. Oktyabrın 28-də Bakıda Dünya Azərbaycanlı İş Adamlarının Forumu keçiriləcək. Diasporla İş üzrə Dövlət Komitəsinin (DİDK) mətbuat xidmətindən Sputnik-ə verilən məlumata görə, forum Azərbaycan Respublikasının Prezidenti İlham Əliyevin Dünya Azərbaycanlılarının IV Qurultayındakı nitqində əksini tapmış tövsiyələrə əsasən keçirilir.

İlham Əliyev V Beynəlxalq Humanitar Forumun rəsmi açılış mərasimində iştirak edib - Sputnik Azərbaycan
V Bakı Beynəlxalq Humanitar Forumu başlayıb

Forumda xaricdə yaşayan azərbaycanlı iş adamlarının Azərbaycan Respublikasında iqtisadiyyatın müxtəlif sahələrinə sərmayə qoymasna stimul verən amillər, dövlət səviyyəsində həyata keçirilən ardıcıl tədbirlər nəticəsində yaranmış əlverişli investisiya mühitinin yaratdığı əlavə imkanlar, ölkənin ümumi iqtisadin inkişafında xaricdə yaşayan azərbaycanlı iş adamlarının rolu ilə bağlı bir sıra məsələlər müzakirə olunacaq. Bununla yanaşı, Forumda xarici iş adamlarının və böyük şirkətlərin Azərbaycana investisiya qoymağa təşviq edilməsi ilə bağlı məsələlər ətrafında da fikri mübadiləsi aparılacaq. Forumun gündəliyinə daxil edilmiş əsas mövzulardan biri də xarici ölkələrdə yaşayan və fəaliyyət göstərən azərbaycanlı iş adamlarının ölkəmizin milli maraqlarının qоrunması, Azərbaycan həqiqətlərinin təbliği və diaspоr quruculuğu işinə daha fəal şəkildə cəlb оlunmasıdır.

Forumda xarici ölkələrdə yaşayan 300 nəfərə yaxın azərbaycanlı iş adamı və diaspor rəhbərinin, eləcə də ölkə daxilində fəaliyyət göstərən sahibkarların iştirakı nəzərdə tutulub. Toplantıda Dünya Azərbaycanlı İş Adamları Birliyinin yaradılması təşəbbüsü də müzakirə ediləcək. Bununla yanaşı, tədbirə dəvət olunmuş azərbaycanlı iş adamlarının iştirakı ilə biznes-forumun, habelə dövlət və hökumət nümayəndələri ilə görüşün təşkili də planlaşdırılır.

Qeyd edək ki, Azərbaycan Respublikası Prezidentinin tövsiyələri əsasında hazırlanmış və Prezident Administrasiyası rəhbərinin 27 iyun 2016-cı il tarixli 95 nömrəli sərəncamı ilə təsdiq olunmuş "Dünya Azərbaycanlılarının IV Qurultayından irəli gələn vəzifələrə dair Tədbirlər Planın"nın 3-cü bəndində xaricdə yaşayan azərbaycanlı iş adamlarının ölkəmizə sərmayə qoymasının təşviqi, habelə onların diaspor quruculuğu işinə daha geniş cəlb olunması məqsədilə 2016-cı ilin son rübündə Dünya Azərbaycanlı İş Adamları Birliyinin təsis toplantısnın keçirlməsi nəzərdə tutulub.

Xəbər lenti
0