BAKI, 21 sen — Sputnik. 22-25 sentyabr tarixlərində Rusiya Taekvondo Birliyi və İdman Nazirliyi tərəfindən təşkil edilən açıq birincilik keçiriləcək.
Moskvada baş tutacaq növbəti beynəlxalq “Russian Open” turnirində gənclərdən ibarət yığma komandamızın taekvondoçuları da qüvvələrini sınayacaq.
Taekvando Federasiyasının mətbuat xidmətindən Sputnik-ə verilən məlumata görə, sayca 6-cı olan G2 dərəcəli yarışda millimiz 18 taekvondoçu ilə təmsil olunacaq. Belə ki, baş məşqçi Mamed Abdullayev və böyük məşqçi Zahid Məmmədov dünya birinciliyi öncəsi oğlanlardan —46 kq çəki dərəcəsində Murad Muradov, Ayaz Qəmbərli və Bəhruz Quluzadə, Cavid Məmmədov (-48 kq), Əli İsazadə (-51 kq), Qaşım Maqomedov (55 kq), Nurlan Fətəliyev (-59 kq), Nicat Musayev (-63 kq), Əliəsgər Əliyev (-68 kq), Mert Çiçek (-73 kq) və Fərhan Məmmədliyə (-78 kq) şans verəcək.
Qızlardan isə Mehribam Məmmədova (-42 kq), Aliyə Zeynalova (-44 kq), Nərgiz Mirzəyeva, Mirvari Qəmbərli (hər ikisi —46 kq), Leyla Məmmədova, Diana Haçıəliyeva (hər ikisi —49 kq) və Şəms İsayeva (-52 kq) çəki dərəcəsində mükafatlar uğrunda mübarizə aparacaq. Turnir Moskvanın “Dostluq” idman arenasında keçiriləcək.
Qeyd edək ki, respublikamızda fəaliyyət göstərən bir neçə taekvondo klublarının yetirmələri də bu yarışda dayaq üzərinə çıxacaq. Milli komandamız 26 senytabrda vətənə dönəcək.
