BAKI, 9 sent-Sputnik. Rio-2016 Paralimpiya oyunlarında Azərbaycan millisi ilk qızıl medalını qazanıb.
Cüdoçu Ramil Qasımov rəqibini ipponla məğlub edərək turniri qələbə ilə başa vurub.
Yarışa 1/4 final mərhələsindən başlayan təmsilçimiz ilk olaraq kubalı Cerardo Rodrigezi məğlub edib. Yarımfinalda alman Nikolay Kornhassı yolundan kənarlaşdıran idmançımız qızıl medal uğrunda ukraynalı Dmitro Soloveylə üz-üzə gəlib.
Yarışların ilk günündə daha bir cüdoçu Bayram Mustafayev gümüş medal qazanıb.
