BAKI, 10 avq-Sputnik. Rio-de-Janeyroda keçirilən XXXI Yay Olimpia Oyunlarında maraqlı hadisə baş verib.
Sputnik Championat-a istinadən xəbər verir ki, suya tullanma yarışlarında istifadə edilən hovuzdakı su gözlənilmədən yaşıl rəng alıb.
Rəsmilər rəng dəyişiminə baxmayaraq, idmançılar üçün heç bir təhlükənin olmadığını bildiriblər. Olimpiadanın təşkilatçıları havaların isti və küləksiz keçməsi ilə əlaqədar suyun yosun səbəbindən rəng dəyişməsini istisna etmirlər. Filtirlərin suyu yaxşı süzməməsi hovuzun rənginin yaşıl olmasına səbəb olub.
