BAKI, 7 avq-Sputnik. Rio-2016 XXXI Yay Olimpiya Oyunlarında artıq ilk medallar sahiblərinə təqdim edilib.
Sputnik-in məlumatına görə, ümumilikdə 16 ölkənin idmançıları medal qazanıblar.
Təəssüf ki, onların arasında azərbaycanlılar yoxdur.
Komandalar arasında Cənubi Koreya və ABŞ 1 qızıl və 1 gümüş, Argentina, Belçika, Macarıstan, Rusiya və Vyetnam hərəyə 1 qızıl, Çin 1 gümüş, 3 bürünc, Qazaxıstan isə 1 gümüş və 1 bürünc medal əldə edib.
Braziliya, Danimarka və İtaliya bir gümüş medalla kifayətləniblər.
Yaponiya 2, Avstraliya, Polşa və Özbəkistan isə Olimpiadaya hərəyə bir bürünclə start veriblər.
