BAKI, 6 avq-Sputnik. Bu gün futbol üzrə Azərbaycan Premyer Liqasında 2016/2017 mövsümünə start verilib.
Sputnik-in məlumatına görə, mövsümün açılış oyununda "AZAL Arena"da AZAL və "Neftçi" klubları üz-üzə gəlib.
Oyunda hesab ikinci hissədə açılıb. 60-cı dəqiqədə "Neftçi"nin futbolçusu Elvin Bədəlov builki mövsümün ilk qolunu vurub. Ardınca 70-ci dəqiqədə Rəhman Hacıyev hesabı 2 topa çatdırıb. Matç "ağ-qaralar"ın 2:0-lıq qələbəsi ilə başa çatıb.
Oyunu Rəhim Həsənov, Namiq Hüseynov, Akif Əmirəli, Coşqun Həsənovdan ibarət hakimlər qrupu idarə edib.
