BAKI, 6 avq — Sputnik. Azərbaycan idmançıları Braziliyanın paytaxtı Rio-de-Janeyroda XXXI Yay Olimpiya oyunlarının açılış mərasimində tamaşaçıların önündən keçiblər. Azərbaycan millisinin bayraqdarı boksçu Teymur Məmmədov olub.
Bakı vaxtı ilə saat 03:00-də başlanan mərasim “Marakana” stadionunda keçirilir.
XXXI Yay Olimpiya Oyunlarında Azərbaycan yığma komandası idmanın 18 növü üzrə 56 idmançı ilə təmsil olunacaq.
