BAKI, 12 iyul — Sputnik. NASA mütəxəssisləri Mars qumsallığı arasında Morze əlifbasını xatırladan bir neçə qum təpəsi aşkar ediblər. Sputnik-in məlumatına görə, bu barədə HİRISE saytı məlumat verib.
Bu kəşf Mars Reconnaissance Orbiter avtomatik planetlərarası stansiyada quraşdırılmış kameraların köməyi ilə mümkün olub. Bu kameralar Mars səthini yaxın infrastruktur diapazonda və görünən işıq şəklində çəkir.
Planetoloq Veronika Brey kadrlardakı yazıların şifrələrini açıb. "Təqribən belə bir "mətn" alınıb: "NEE NED ZB 6TNN DEIDEDH SIEFI EBEEE SSIEI ESEE SEEE!!" — deyə Brey "Gizmodo" portalına bildirib.
Morze əlifbasında qəbul edilmiş nöqtə və tirelər Mars səthində daha əvvəl mövcud olub. Bu işarələr Şimal qütbündəki Xaqal təpələrinin bir qədər cənubunda daha dəqiq görünür.
Alimlərin izahatına görə, "tire" qumsallıqda baş verən ikitərəfli hava axınları nəticəsində meydana gəlib. "Nöqtə" isə o vaxt yaranır ki, xəttin çəkilməsi prosesi dayanır.
