BAKI, 17 iyun-Sputnik. Bakıda keçirilən Avropa Qran-prisinin saat 17:00-da başlayan sərbəst yürüşü başa çatıb. Sputnik xəbər verir ki, birinci sərbəst yürüşdə olduğu kimi ikinci sərbəst yürüşdə də "Mercedes"in pilotu Luis Hamilton lider olub.
Luis Hamilton 1:44.223 dəqiqəlik göstərici nümayiş etdirib. Lider pilotu 1:44.913 dəqiqəlik nəticə ilə Niko Rosberq izləyir.
Yürüşdə üçüncü pillədə 1:45.336 dəqiqə ilə "Sahara Force İndia"nın pilotu Serxio Peres qərarlaşıb.
Qeyd edək ki, sərbəst yürüşdə ən yüksək göstəricini "Scuderia Toro Rosso"nun pilotu Karlos Sayns əldə etməyi bacarıb. Pilot 351 km/saat sürətə nail olub.
